O ANIVERSARIO DA LAGOA

Inicio/5º Concurso de Microrrelato/O ANIVERSARIO DA LAGOA

O ANIVERSARIO DA LAGOA

Saía nos xornais, na televisión, na radio… Facíanse homenaxes a través das institucións… Todo o pobo recordaba a data. Pero había quen a recoraba de maneira máis especial: os pais de Samuel, e Raúl. Cumpríanse trinta anos do asasinato na Lagoa e 45 eran os que cumpría Raúl.

Foi tomar o café ao bar de sempre, e coma sempre en solitario. Tras ler a prensa dirixiuse de novo á súa casa. Entrou e sentouse na butaca do salón ante unha gran fiestra dende a que se divisaba perfectamente toda a Lagoa de Antela.

El quedara coa casa tras a repentina morte de seus pais e nunca quixo desfacerse dela a pesar das traxedias que a rodeaban.

Trinta anos atrás celebrou o seu 15º aniversario cunha gran festa no xardín da casa, o cal chegaba ata a ribeira da lagoa. Sen que ninguén soubese como o seu amigo Samuel desapareceu da festa e dende entón foi todo un misterio. Un misterio agás para Raúl, que sabía exactamente onde escondera ao seu amigo…

2016-09-30T21:45:18+00:00 30 / 09 / 2016|5º Concurso de Microrrelato|

2 Comentarios

  1. Nuria 20 Outubro, 2016 en 11:25 a.m.- Responder

    Bo relato…quedo con ganas de unha continuacion desta historia…
    🙂

  2. Marta 21 Outubro, 2016 en 5:05 a.m.- Responder

    Encantaríame que seguise esta historia e saber que é o que ocorreu!!! Que sabe Raul?….

Deixe o seu comentario