O Torneo de Duelistas voltará en abril a Biosbardia

Inicio/Blogs/BiosBardia/O Torneo de Duelistas voltará en abril a Biosbardia

O Torneo de Duelistas voltará en abril a Biosbardia

Duelo á sombra.

Take Our Poll
(function(d,c,j){if(!d.getElementById(j)){var pd=d.createElement(c),s;pd.id=j;pd.src=’https://s1.wp.com/wp-content/mu-plugins/shortcodes/js/polldaddy-shortcode.js’;s=d.getElementsByTagName(c)[0];s.parentNode.insertBefore(pd,s);} else if(typeof jQuery !==’undefined’)jQuery(d.body).trigger(‘pd-script-load’);}(document,’script’,’pd-polldaddy-loader’));

Haberá unha segunda edición do Torneo de Duelistas de Biosbardia. Comezará en abril, após a Semana Santa, e contará con algunhas novidades. Mais o esencial do formato continuará como na primeira edición. Aqueles autores interesados en participaren no novo torneo poden solicitar a súa inscrición no noso correo: biosbardia@gmail.com.

En marzo informaremos as persoas interesadas o formato definitivo do novo torneo. Tamén publicaremos as bases e o calendario para favorecer o seguimento de cada xornada. Desta volta, ademais, contaremos cun patrocinador.

E mentres chega o segundo torneo, queremos que os lectores de Biosbardia nos axuden a escoller os mellores relatos da primeira edición.

Xusto antes de iniciar a segunda liga, publicaremos unha clasificación dos relatos publicados no primeiro torneo, seguindo a valoración que fagan os propios participantes na primeira edición e mais a escolla dos lectores.

Para participardes, só tendes que votar na enquisa que acompaña esta información.

O misterio da final 

A final do I Torneo de Duelistas foi algo accidentada. Nun primeiro momento participaron dous relatos (‘À la maison par la cheminée’ e ‘Singularidade’). Mais o segundo relato, obra de Lois Z, foi impugnado polo seu rival, Pablo Fernández Barba, que considerou que a utilización de personaxes e situacións dun relato seu publicado durante a fase de grupos creaba confusión entre os lectores e podería considerase plaxio, xa que Lois Z publicara o tal relato coa oposición expresa de Fernández Barba. Na súa defensa, Z afirmou que o relato quería ser unha homenaxe lúdica ao máis destacable do torneo, un xogo literario que afianzase e lle dese coherencia á experiencia compartida pola comunidade Biosbardia. Barba decidiu entón presentar a súa renuncia na final mais ao remate Biosbardia consensou cos participantes un amaño: Lois Z publicaría un novo relato e comezaría de novo a votación. O novo texto titulouse ‘O soño de Brais’. A final gañouna Barba, como é público.

Malia todo, este e outros contratempos do torneo servíronlle á organización para tomar nota e considerar necesario redactar unhas novas bases, de cara á segunda edición, máis claras e que poidan responder a casos de conflito coma este.


Source: BIOSBARDIA

2018-01-30T08:33:19+00:00 30 / 01 / 2018|BiosBardia|